23-dekabr kuni, soat 12:24 da Toshkent viloyati Boʻstonliq tumani Ixtisoslashgan koʻp tarmoqli boshqarmasiga Chaxcham qishlogʻi hududidagi “Suron ota” togʻida 5 nafar fuqaroning adashib qolgani haqida xabar kelib tushgan.

Shunga asosan Chimyon yongʻin-qutqaruv otryadidan bir guruh qutqaruvchilar zudlik bilan manzilga yetib borgan va olib borilgan qidiruv-qutqaruv ishlari natijasida fuqarolar sogʻ-salomat xavfsiz hududga olib tushilgan. Ularning hech biri tan jarohati olmagan.

Maʼlum boʻlishicha, adashib qolganlar togʻga sayr qilish maqsadida chiqqan va yakunda yoʻldan adashgan.