Noqulay ob-havo sharoiti va u keltirib chiqarishi mumkin boʻlgan xavflar tufayli 15-dekabr soat 10:30 dan boshlab Qashqadaryo viloyatining Kitob tumanidan oʻtgan M-39 avtomobil yoʻlining “Taxtaqorcha” dovonida kuchli qor yogʻayotganligi sababli avtomobillar harakati qisqa muddatga cheklandi. Bu haqda Qashqadaryo FVB xabar berdi.

Unga koʻra, ayni damda FVV rahbarligida IIB va boshqa tegishli tashkilotlarning mutaxassislari tomonidan vaziyat oqibatlarini bartaraf etish borasida profilaktik ishlar amalga oshirilmoqda.

“Taxtaqorcha” dovonini qayta ochilishi boʻyicha FVV Axborot xizmati qoʻshimcha maʼlumot taqdim etishi aytilgan.