2025-yil uchun ustuvor vazifalar muhokamasiga qaratilgan yigʻilishda Prezident dunyoning eng ruhlantiruvchi “Top-100” ayoli roʻyxatiga kirgan Denovlik Dilorom Yoʻldoshevaning ishlarini eʼtirof etib, “Mardlik” ordeni bilan taqdirladi. 

Denovlik ayol nogironligi boʻla turib, tikuv korxonasini ochib, 40 nafar kambagʻal xotin-qizlarni ishli qilgan.

“Mana shunday irodali, matonatli insonlarni hammaga oʻrnak qilib koʻrsatsak, ular bilan har qancha faxrlansak arziydi”, – deydi davlat rahbari.

Dilorom Yoʻldosheva Prezident farmoniga muvofiq, yigʻilishda “Mardlik” ordeni bilan taqdirlandi.

Prezident 2025-yilda bunday insonlar haqida kamida 5 ta motivatsion hujjatli va badiiy filmlar suratga olish muhimligini taʼkidladi. Bu boradagi ishlarni muvofiqlashtirish Ijtimoiy himoya milliy agentligi direktorining birinchi oʻrinbosari Sh.Mirziyoyeva zimmasiga yuklatildi.