Madaniyat vazirligi “Toshkent haqida qoʻshiq” nomli respublika tanlovini eʼlon qildi.

Tanlov 2025-yilning 27-yanvar kuni boʻlib oʻtadi. Gʻolib va sovrindorlarni taqdirlash marosimi esa 28-yanvar kuni Toshkent shahrida oʻtkazilishi rejalashtirilgan.

18 va undan yuqori yoshdagi professional ijodkorlar ishtirok etishi mumkinligi aytilayotgan tanlov bir bosqichda tashkil etiladi. Bunda avvallari ijro etilmagan yangi qoʻshiqlar saralanadi hamda ulardan eng yaxshilari tanlab olinadi.

Hujjatlar va ijro dasturlari 2025-yilning 15-yanvar kuniga qadar Qoraqalpogʻiston Respublikasi Madaniyat vazirligi, viloyatlar hamda Toshkent shahar madaniyat boshqarmalarida qabul qilinadi.

Tanlov gʻolibi yakunda Chevrolet Monza avtomobili bilan taqdirlanadi.