6-dekabr kuni Toshkent viloyatiga qilgan tashrifi davomida Prezident Boʻstonliq tumanida tashkil etilayotgan yangi turizm maskaniga ham bordi.

Xabarda aytilishicha, bu yerda zarur infratuzilma yaratilib, kapsula shaklidagi uylardan iborat zamonaviy dam olish maskani barpo etilmoqda.

Oynavand kapsula uylarning oʻziga xos tomoni shundaki, ular yengil, koʻchma va kamxarj. Katta qurilish qilinmasligi bois tabiatga ham ziyon yetkazmaydi.

Bundan tashqari, maskanda restoranlar, dor yoʻllari va changʻi uchish maydonlari tashkil qilinadi.

Davlat rahbari bunday kapsula uylarni Baxmal, Shahrisabz, Boysun kabi boshqa turizm maskanlarida ham oʻrnatish sayyohlar eʼtiborini tortishini taʼkidladi.