Foto: Uzbekistan Airports

Bugun, 4-dekabr kuni ob-havo sharoiti yomonlashgani sababli Toshkent xalqaro aeroportida havo kemalarini qabul qilishga vaqtinchalik cheklovlar joriy etildi.

Xabarda yozilishicha, cheklovlar vaqtida barcha reyslar muqobil aerodromlarga yoʻnaltiriladi.

Jumladan, “Uzbekistan Airways” aviakompaniyasining Jidda — Toshkent yoʻnalishidagi HY336 reysi Namangan muqobil aeroportiga, Liej — Toshkent yoʻnalishidagi HY3174 reysi Buxoro muqobil aeroportiga yoʻnaltirilgan.

Maʼlumot uchun, parvozlarni qabul qilishdagi cheklovlar kecha, 3-dekabrda ham joriy etilgan edi.

Unda “Silk Avia” aviakompaniyasining Fargʻona-Toshkent yoʻnalishi boʻyicha US402, “Uzbekistan Airways” aviakompaniyasining Bishkek – Toshkent yoʻnalishi boʻyicha HY778, “UTair” aviakompaniyasining Surgut-Toshkent yoʻnalishi boʻyicha UTA-709, “Centrum Air” aviakompaniyasining Dubay-Toshkent yoʻnalishi boʻyicha MFX-352 reyslari Samarqanddagi muqobil aerodromga yoʻnaltirilgan.

“Uzbekistan Airways” aviakompaniyasining Grozniy – Toshkent yoʻnalishi boʻyicha HY9702 reysi esa Buxorodagi muqobil aerodromida qoʻnish jarayonini amalga oshirgan.