Yagona interaktiv davlat xizmatlari portalida yangi ishga tushirilgan xizmatga koʻra, endi fuqarolar oʻz uylarini termitlar yoki boshqa hasharotlar tufayli yaroqsiz holga kelgan-kelmaganini my.gov.uz orqali bepul tekshirtirib koʻrishi mumkin.

Tekshiruv yakunida esa fuqaroga tegishli xulosa beriladi.

Agar tekshiruv xulosasida uy yaroqsiz holatga kelgani isbotlansa, davlat uy egalarini uy-joy bilan taʼminlaydi.

“Muhim jihati!

 

Uyingiz haqiqatan yashash uchun yaroqsiz deb topilsa, bu sizning davlat tomonidan uy-joy bilan taʼminlanishingiz uchun asos hisoblanadi”, deyiladi portal xabarida.

Uyni tekshirtirish xizmatidan nafaqat uy egalari, balki unda istiqomat qiluvchilar ham foydalanishi mumkin.