Maʼlum boʻlishicha, Turkiya bozorida 1 yarim oydan buyon taxminan 600 million dollar miqdoridagi soxta 50 va 100 dollarlik kupyuralar isteʼmolda aylanib yurgan. Bu haqda Son dakika xabar berdi.

Xavfli jihati shundaki, ularni dasturiy taʼminoti eski boʻlgan pul hisoblagichlari oʻtkazib yuborgan, bankomatlar esa qabul qilgan. Shundan keyin bank va pul ayirboshlash shoxobchalari ularni sotib olishni toʻxtatgan.

Xabarga koʻra, soxta dollar mojarosi dastlab sayyohlik hududlarida boshlangan. Hozirda ularni bosib chiqarish va tarqatish ishi boʻyicha tergov boshlangan.