Yaqinda Janubiy Koreyaning Yer, infratuzilma va transport vazirligi 8 ta milliy aviakompaniyaga 15 ta yoʻnalish boʻyicha transport huquqlarini taqsimladi.

Ular orasida uchta yoʻnalish (Chexiya, Oʻzbekiston va Xitoy) koʻplab aviakompaniyalarning arizalari asosida muhokama qilingandan soʻng ajratilgan.

Yakunda “Jeju Air” va “Tʼway Air” aviakompaniyalari Inchxon–Toshkent yoʻnalishida aviaparvozlarni yoʻlga qoʻyish huquqini qoʻlga kiritgan.

Endilikda mazkur ikki aviakompaniya Oʻzbekistonni Janubiy Koreya bilan havo orqali bogʻlaydi.

Parvozlar keyingi yildan boshlab, haftasiga 4 marta amalga oshiriladi.