“Hududiy elektr tarmoqlari” AJ isteʼmolchilarga qulaylik yaratish maqsadida “HET Billing Mobile” ilovasini ishga tushirdi.

Ilova “HET BILLING” dasturiy kompleksi joriy etilishi doirasida ishlab chiqilgan boʻlib, u orqali isteʼmolchilar bevosita isteʼmol qilingan elektr energiyasi hisobi, xususan, toʻlov maʼlumotlari, kunlik elektr energiya isteʼmoli va boshqa maʼlumotlarni onlayn tarzda kuzatib borishi mumkin.

Mobil dastur Play Market'dan Android hamda IOS operatsion tizimi qurilmalari orqali bepul yuklab olinadi. U avtomatlashtirilgan holda yangilab boriladi.