Toshkent metrosining gavjum boʻlgan 9 ta bekatida ona va bola xonasi hamda hojatxona qurilishi haqida aytilgan edi. Endilikda ularning nomi aniq boʻldi.

Maʼlum boʻlishicha, quyidagi bekatlar ana shu maqsadda tanlab olingan:

▪️ “Buyuk ipak yoʻli” bekati;

▪️ “Amir Temur xiyoboni” bekati;

▪️ “Mustaqillik maydoni” bekati;

▪️ “Paxtakor” bekati;

▪️ “Olmazor” bekati;

▪️ “Beruniy” bekati;

▪️ “Chorsu” bekati;

▪️ “Doʻstlik” bekati;

▪️ “Bodomzor” bekati.

Hozirda shulardan 4 tasida (“Buyuk ipak yoʻli”, “Amir Temur xiyoboni”, “Paxtakor” va “Beruniy”) qurilishning 1-bosqichi boshlangan. Qurilishi rejalangan hojatxonalarning loyiha hujjatlari yakuniy bosqichda turibdi.

Maʼlumot uchun, yuqorida sanab oʻtilgan metro manzillarida qurilish ishlari toʻliq yakunlansa, ona va bola xonasi hamda hojatxonasi bor boʻlgan bekatlar soni 10 taga yetadi (Chilonzor bekatida oldindan mavjud edi).