Oliy Majlis Senatining parlament saylovidan keyingi birinchi majlisida Senat raisi va uning oʻrinbosarlarini saylash toʻgʻrisidagi tashkiliy masala koʻrib chiqildi.

Jumladan, Konstitutsiyaning 101-moddasiga muvofiq, Prezident Oliy Majlis Senati raisi lavozimiga senator Tanzila Narbayeva nomzodini taqdim etdi.

Shuningdek, Senat raisining birinchi oʻrinbosari lavozimiga senator Sodiq Safoyev, Senat raisining oʻrinbosari lavozimiga senator Amanbay Orinbayev nomzodlari tavsiya etildi.

Majlisda koʻrsatilgan nomzodlar senatorlar tomonidan saylandi. Shavkat Mirziyoyev ularni tabriklab, kelgusi faoliyatiga yutuq va muvaffaqiyatlar tiladi.