18-noyabr – Oʻzbekiston Respublikasi davlat bayrogʻi qabul qilingan kun. Shu munosabat bilan Respublika maʼnaviyat va maʼrifat markazi tomonidan bir qator tadbirlar tashkil etilmoqda.

Jumladan, ertalab Yoshlik talabalar shaharchasida madaniy, maʼnaviy-maʼrifiy tadbir boʻlib oʻtdi.

Unda bayroq koʻtargan talabalar, yoshlar yetakchilari bayroqlar koʻtargancha faol ishtirok etdi.

Xorazmda yoʻlga chiqqan 100 metrlik davlat bayrogʻi ham tantanali ravishda poytaxtdagi “Yangi Oʻzbekiston” bogʻida keng jamoatchilik ishtirokida kutib olindi.

Tadbirning davomi sifatida “Millat bayrogʻi” shiori ostida uyushtirilgan avtoparad esa koʻpchilikning yodida qoldi.

Avtoblogerlar ishtiroki “Yangi Oʻzbekiston” bogʻidan yoʻlga chiqqan avtoulovlar karvoni “Maxtumquli” va “Botkina” koʻchasi chorrahasigacha davlat bayrogʻini hilpiratib borishdi.