O‘zbekiston Respublikasi Davlat bayrog‘i qabul qilingan kun munosabati bilan Respublika Ma’naviyat va ma’rifat markazi, O‘zbekiston Mahallalari uyushmasi, Yoshlar ishlari agentligi, Mudofaa vazirligi hamda Milliy gvardiya hamkorligida o‘ziga xos loyiha amalga oshirilmoqda. 

Loyiha doirasida 100 metrlik Davlat bayrog‘i Xorazm, Buxoro, Samarqand, Jizzax viloyatlaridagi qadimiy binolarimiz qarshisidan olib o‘tiladi va 18-noyabr kuni poytaxtimizga yetib keladi. Kecha start olgan loyihada bayroq vatanparvar yurtdoshlarimiz, yoshlar va harbiylarimiz hamrohligida Jaloliddin Manguberdi haykali va Buxoroning Ark qal’asidan olib o‘tildi va ayni vaqtda Samarqand viloyatiga yo‘l olgan.