Xalq deputatlari Yangiyo‘l shahar kengashining navbatdan tashqari sessiyasida Yangiyo‘l shahar hokimi Dilshod Sultanov lavozimidan ozod etildi.

Uning o‘rniga Raimov Ravshan Isakjanovich Yangiyo‘l shahri hokimi etib tayinlandi. Ravshan Raimov 1976-yil Toshkent shahrida tug‘ilgan. Mutaxassisligi-iqtisodchi, faoliyati davomida Davlat soliq tizimida bir qator rahbarlik lavozimlarda, shuningdek, 2020-2023-yillarda Toshkent viloyati  davlat soliq boshqarmasi boshlig‘i vazifasida ishlagan.

Tayinlovga qadar, Toshkent shahar davlat soliq boshqarmasi boshlig‘i o‘rinbosari vazifasida ishlab kelayotgan edi.