Uzrli sabablarga koʻra malaka (test) sinovlarida ishtirok eta olmagan pedagoglar 19-noyabr kuni attestatsiyadan oʻtkaziladi.

Maʼlumki, vazirlik tizimidagi maktabgacha, umumiy oʻrta va maktabdan tashqari taʼlim muassasalari pedagog kadrlari uchun attestatsiya sinovlari joriy yilning 29-oktyabridan boshlab oʻtkazilib kelinmoqda. Biroq ayrim uzrli sabablar bilan ushbu jarayonda ishtirok etolmaslik holatlari ham kuzatilishi mumkin.

Hukumat qarori bilan tasdiqlangan nizomga koʻra, quyidagi sabablar uzrli deb qaraladi:

▪️ vaqtincha mehnatga qobiliyatsizlik;

▪️ davlat yoki jamoat vazifalarini bajarganlik;

▪️ respublika va xalqaro musobaqalarda ishtirok etganlik;

▪️ vaqtincha xorijiy mamlakatda safarda boʻlganlik;

▪️ yaqin qarindoshining vafoti etganligi;

▪️ vakolatli davlat organi yoki taʼlim tashkilotlari rahbarlarining maʼlumotnomasida koʻrsatilgan boshqa asoslar koʻrsatilganda.

Bunday pedagoglar attestatsiya jarayonida ishtirok etishi uchun vazirlikning hududiy boshqarmalarida tashkil etilgan Ishchi guruhlarga yuqorida keltirilgan sabablardan birini asos qilgan holda ariza bilan murojaat qilishlari mumkin.

Malaka (test) sinovlari mazkur manzillarda oʻtkaziladi.