1-dekabrdan boshlab Oʻzbekistonda ichimlik va oqova suv xizmati toʻlovlari faqat elektron shaklda qabul qilinadi.

“Oʻzsuvtaʼminot” taʼkidlashicha, sohada shaffoflikni taʼminlash hamda korrupsion holatlarga barham berish maqsadida shunday chora qoʻllaniladi. Endilikda nazoratchi va suv taʼminoti xodimlariga toʻlovlarni naqd pul koʻrinishida amalga oshirish toʻxtatiladi.

Isteʼmolchilar toʻlovlarni amalga oshirishda oʻzi uchun qulay va tezkor boʻlgan quyidagi vositalardan foydalanishi mumkin:

kabinet.uzsuv.uz shaxsiy kabinet orqali;

@uzsuvbot Telegram boti orqali;

Elektron toʻlov tizimlari (Click, Paynet, Alif Mobi, Payme, Oson, Uzum Bank) hamda toʻlov infokiosklari va tijorat bank kassalari hamda shoxobchalari, pochta boʻlimlari orqali.