Shu yilning 9-noyabr kuni poytaxtda “Yashil shahar” kuni oʻtkaziladi. Bu haqda xabar bergan poytaxt hokimligi barcha tashkilotlar, korxonalar hamda faol fuqarolarni daraxt ekish tashabbusiga qoʻshilishga chaqirdi. Shu kuni aholi vakillari daraxtlarni oʻzlari xohlagan joyga – uylariga, hovlisiga, korxona hududiga yoki hokimlikka murojaat qilib, boshqa tavsiya etilgan maqbul joylarda ekishlari mumkin.

Hokimlik poytaxtning iqlim sharoiti va mavsumiy xususiyatlarini inobatga olgan holda, yagona ekotizimni saqlash uchun, mutaxassislar daraxtlarning yaxshi ildiz otishi uchun qalamchalar oʻrniga 2 yoshdan katta koʻchatlarni ekishni va sugʻorish tizimi mavjud joylarni tanlashni tavsiya etmoqda. Shuningdek, daraxt tanlashda chinor, lola daraxti, lipa, katalpa, zarang, qayragʻoch, eman, oq/pushti akatsiya turlariga eʼtibor qaratish ham tavsiya qilingan.