Toshkentga toʻrtta kirish darvozasining eskiz konsepsiyasini ishlab chiqish boʻyicha ochiq xalqaro tanlov boshlandi.

“Loyiha zamonaviy va anʻanaviy gʻoyalar uygʻunlashgan Toshkentni oʻzgartirish yoʻlidagi yana bir qadam boʻlishi kerak,” – deyiladi “Tashkent Invest” kompaniyasi xabarida.

Darvozani oʻrnatish boʻyicha qurilish ishlarini 2024-yildan boshlash rejalashtirilgan. Ular toʻrtta hududda quriladi:

Parkent va Ohangaron shossesining kesishgan joyida “Rohat” posti;

“Xuton” masjidi yonidagi “Bektemir” posti;

“Abu Saxiy” bozori yaqinidagi “Erkin” posti;

“Uch qahramon” posti Amir Temur shohkoʻchasi va Katta halqa yoʻli chorrahasi yaqinida.

Tanlovda ishtirok etish uchun 2024-yil 7-noyabrdan kechiktirmay tanlovning info@tashkentinvest.com elektron manziliga ariza yuborishingiz lozim.

2024-yil 31-oktyabrda arizalarni qabul qilish boshlanadi, 7-noyabr esa qabul yakunlanadi. 2024-yil 11-noyabr finalchilar eʻlon qilinadi, 30-noyabr kuni tanlov gʻolibi eʻlon qilinadi.

Tanlov YUNESKO tavsiyalariga muvofiq oʻtkaziladi va gʻoliblar quyidagi mukofotlar bilan taqdirlanadi:

Birinchi oʻrin — 100 mln soʻm;

Ikkinchi oʻrin — 50 mln soʻm;

Uchinchi oʻrin — 30 mln soʻm.