Oʻzbekiston Respublikasi Oliy Majlisi Qonunchilik palatasi va mahalliy Kengashlar deputatlari saylovining dastlabki natijalari eʼlon qilindi.

Maʼlum boʻlishicha, mamlakatdagi 19 mln 944 ming 859 nafar saylovchidan 15 mln 27 ming 529 nafari ovoz bergan. Xorijiy davlatlardan turib ovoz berganlar esa jami 140 ming 388 nafarni etgan.

Maʼlumotga koʻra, saylovda OʻzLiDeP eng koʻp ovoz jamgʻargan. Shu hisobda, mazkur partiyaning Parlamentda egallaydigan oʻrni 64 tani tashkil etadi. “Milliy tiklanish” DP aʼzolari esa 29 ta oʻrinni band qiladi.