Ozarbayjon Respublikasining “AzTV” va “Madaniyat TV” davlat telekanallari bilan “Oʻzbekiston tarixi” telekanali oʻrtasida hamkorlikka oid memorandum shartnomasi imzolandi.

Endilikda Oʻzbekiston tarixi, buyuk siymolari faoliyati, boy milliy mananiyati, adabiyot va sanʼatiga oid tayyorlangan teledasturlar Ozarbayjon telekanallarida keng namoyish etib boriladi.

Shuning barobarida Ozarbayjon tarixi va milliy madaniyatiga doir videomateriallar, jumladan, tarixiy-badiiy va xronikal hujjatli fimlar “Oʻzbekiston tarixi” telekanalida keng namoyishi yoʻlga qoʻyiladi.

Telekanal rahbarlarining Boku shahrida boʻlib oʻtgan ijodiy oʻchrashuvi chogʻida kelgusida yana qator teledasturlar hamkorlikda tayyorlananishi kelishib olindi.