Bugun, 16-oktyabr sanasidan boshlab (soat 9:00 dan) respublika boʻylab saylov uchastkalari muddatidan oldin ovoz berish uchun ochildi.

Saylov uchastkasida muddatidan oldin ovoz berish vaqti ish kunlari soat 9:00 dan soat 18:00 ga qadar, dam olish kunlari soat 11:00 dan soat 17:00 ga qadar amalga oshiriladi.

Maʼlumot uchun, saylov kuni oʻz yashash joyida boʻlish imkoniyatiga ega boʻlmagan fuqarolar muddatidan oldin ovoz berish huquqiga ega.

Mazkur jarayonda ovoz bermoqchi boʻlgan shaxslar mazkur havola orqali saylov uchastkasini aniqlab olishlari mumkin.