Foto: Ijtimoiy himoya milliy agentligi

Rossiya Federatsiyasi (2 nafar) va Xitoy Xalq Respublikasi (1 nafar) hududida ota-ona qaramogʻisiz qolgan bolalar Oʻzbekistonga olib kelindi.

Ijtimoiy himoya milliy agentligi tomonidan mazkur oilalar va ularning Oʻzbekistondagi yaqin qarindoshlari oldindan oʻrganib chiqilgan boʻlib, hozirda ular ogʻir turmush sharoitida qoldirilgan deya baholanmoqda.

Endilikda ularga bolaning ehtiyojlaridan kelib chiqqan holda psixologik yordam, huquqiy maslahatlar, oʻqishga joylashtirish va boshqa xizmatlarni oʻz ichiga olgan kompleks ijtimoiy xizmatlar koʻrsatiladi.

Maʼlumot uchun, oktyabr oyining shu kuniga qadar xorijda ota-ona qaramogʻidan mahrum boʻlgan jami 11 nafar bola Oʻzbekiston Respublikasiga qaytarilgan.

Yaqin kunlarda Rossiya Federatsiyasidan yana bir guruh bolalar Oʻzbekistonga qaytarilishi rejalashtirilmoqda.