Maʼlumki qoʻshni Qozogʻistonda davlat tili qozoq tili hisoblanadi. Hukumat tilga munosabatni kuchaytirish uchun jiddiy choralar koʻrmoqda.

Jumladan, 2024-yilning 8-oktyabr kuni Qozogʻiston Respublikasi Fan va oliy taʼlim vazirligi mamlakat fuqaroligini olish uchun yangi talablarni tasdiqladi.

Hujjatga koʻra, Qozogʻiston Respublikasi fuqaroligini olish yoki tiklashda davlat tilini bilish darajasi belgilab qoʻyilgan. Yaʼni, endi qozoq tilini bilish darajasi 36 balldan, davlat konstitutsiya asoslari bilish darajasi 9 balldan, shuningdek, Qozogʻiston tarixi bilish darajasi 15 balldan kam natija koʻrsatganlarga fuqarolik berilmaydi.

Buyruq birinchi rasman eʼlon qilingan kundan boshlab kuchga kiradi.