Joriy yilning 11- va 13–14-oktyabr kunlari kutilayotgan yomgʻir sabab Oʻzgidromet suv toʻplanishi ehtimoli borligi, bu esa hududlarni suv bosishiga olib kelishi mumkinligini maʼlum qildi.

Xususan:

▪️ Toshkent viloyati — Ohangaron, Boʻstonliq, Parkent, Piskent, Oʻrtachirchiq, Yuqorichirchiq tumanlarida va Angren, Olmaliq shaharlarida;

▪️ Namangan viloyati — Pop, Kosonsoy, Chortoq, Chust, Namangan, Yangiqoʻrgʻon tumanlarida;

▪️ Fargʻona viloyat — Soʻx, Shohimardon, Fargʻona, Beshariq tumanlarida;

▪️ Andijon viloyati — Andijon, Asaka, Jalaquduq, Qoʻrgʻontepa, Paxtaobod, Izboskan, Xoʻjaobod, Marhamat tumanlarida va Xonabod shahrida sel-suv toshqin hodisalari yuzaga kelishi mumkin.

Oʻzgidromet, shuningdek, togʻ oldi va togʻli hududlarda istiqomat qiluvchi, dam oluvchi fuqarolar hamda togʻli hududlarda harakatlanuvchi haydovchilardan ehtiyotkorlik choralarini koʻrishni soʻramoqda.