MDHning “Mehnat shuhrati shahri” unvoni birinchi boʻlib Boku va Toshkentga berilishi mumkin.

TASS bergan xabarga koʻra, mazkur nomni berishda shaharni tanlash boʻyicha takliflar Hamdoʻstlik davlatlari tomonidan kiritiladi.

MDH Bosh kotibi Sergey Lebedev bunday shaharlar koʻpligini maʼlum qildi.

“Mazkur loyihani ishlab chiqish jarayonida ularning nomlari koʻrsatilgan – bular Boku, Toshkent va koʻplab sanoat korxonalari koʻchirilgan [urush davrida] boshqa poytaxtlardir”, — deydi u.

Lebedev, shuningdek, gumanitar hamkorlik kengashi bu takliflarni koʻrib chiqishi, soʻng tasdiqlash uchun davlat rahbarlari kengashi yigʻilishiga kiritilishini qoʻshimcha qilgan.