Adabiyot boʻyicha 2024-yilgi Nobel mukofoti janubiy koreyalik yozuvchi Xan Kanning “Tarixiy jarohatlarga qarshi turadigan, inson hayotining nozikligini ochib beruvchi nasriy sheʼri” uchun berildi.

Nobel qoʻmitasining press-relizida Xan Kann haqida shunday deyiladi:

"Yozuvchi oʻz ijodida tarixiy travmalar va koʻrinmas qoidalar toʻplamini oʻrganib, har bir asarida inson hayotining qanchalik moʻrt ekanini ifodalaydi. U tana va ruh, tiriklik va oʻliklik oʻrtasidagi bogʻliqlik haqida unikal tushunchaga ega boʻlib, oʻzining sheʼriy va eksperimental uslubi bilan zamonaviy nasrda novatorga aylangan".

2023-yilda Nobel qoʻmitasi ushbu yoʻnalishdagi mukofotni norvegiyalik muallif Yun Fossega “Soʻz bilan ifodalab boʻlmaydigan narsalarni eshittirish imkonini beruvchi novatorlik pyesa va prozalari” uchun berilgan edi.