Qonun bilan ayrim qonun hujjatlariga qo‘shimcha va o‘zgartirishlar kiritildi.

Ma’muriy javobgarlik to‘g‘risidagi kodeksga kiritilgan qo‘shimchalarga ko‘ra, sovuq qurol sifatida foydalanilishi mumkin bo‘lgan ashyolarni (kasbiy, sport faoliyati yoki xo‘jalik-maishiy maqsadlarda foydalanish bilan bog‘liq hollarda) jamoat joylarida ochiq holda olib yurish taqiqlanadi. 

Fuqaro tartibni buzsa va xuddi shunday huquqbuzarlik ma’muriy jazo qo‘llanilganidan keyin 1 yil davomida takroran sodir etadigan bo‘lsa, BHMning 1 baravaridan 5 baravarigacha miqdorda jarima to‘laydi.

Shuningdek, “Qurol to‘g‘risida”gi qonunga kiritilgan o‘zgartirishlarga ko‘ra, bolalarga nisbatan zo‘ravonlik qilgan shaxslardan himoya orderi amal qilish davrida qurollari vaqtincha olib qo‘yiladi. Bunda qurolni olib qo‘yish ichki ishlar organlari tomonidan amalga oshiriladi.