“Noyabr oyi — Keksalar uchun turizm oyligi” munosabati bilan mahalliy qatnovlarda maxsus chegirmalar belgilandi.

Bunda 55 yoshdan oshgan ayollar va 60 yoshdan oshgan erkaklar bir oy davomida (1–30-noyabr) yoʻlovchi poyezdlari hamda aviaqatnovlardan foydalanganda, ularga chegirmalar bilan xizmat koʻrsatiladi.

Maʼlumot oʻrnida, yuqorida aytilgan yoshdagi keksalarga barcha mahalliy yoʻnalishlar uchun poyezd chiptalari 20 foizlik(“Afrosiyob” poyezdidan tashqari), barcha havo yoʻli qatnovlari uchun esa aviachiptalar 15 foizlik chegirmalar asosida sotiladi.

Eslatma! Chegirmalardan foydalanish uchun aviaqatnovlar mahalliy yoʻnalishlarda UzAirways, xorijiy yoʻnalishlarda esa Silk avia orqali amalga oshirilishi lozim.