Nijniy Novgorod viloyatida joriy yilning 1-oktyabridan ushbu viloyatga vizasiz mamlakatlardan kelgan xorijiy fuqarolarga, shu jumladan, oʻzbekistonliklarga ham mehnat patenti berilishini toʻxtatish chorasi joriy etildi, deb xabar berdi Oʻzbekiston Respublikasining Rossiyadagi elchixonasi.

Taʼkidlanishicha, hududda avvalroq patent olgan fuqarolar mehnat faoliyatini davom ettirishi va zarurat tugʻilganda mazkur hujjatni qayta rasmiylashtirishi mumkin boʻladi.

Fuqarolardan, zarur boʻlgan holatda, qoʻshimcha maʼlumot olish uchun Oʻzbekiston Respublikasining Qozondagi Bosh konsulligiga (+7 (843) 526-55-63) hamda Oʻzbekiston Tashqi mehnat migratsiyasi agentligining Moskvadagi vakolatxonasiga (+7 (925) 045-47- 44, +7 (926) 162-94-95.) murojaat qilishi soʻraladi.