Samarqand davlat arxitektura-qurilish instituti hududida yongʻin yuz berdi.

Samarqand Favqulodda vaziyatlar boshqarmasining maʼlum qilishicha, kecha, 1-oktyabr tunida Samarqand shahar “Lolazor” koʻchasida joylashgan oliygohga tegishli yangidan qurilayotgan (qurilishi tugallanmagan) faollar zalida yongʻin sodir boʻlgan.

Boshqarmaga hodisa haqida chaqiruv xabari soat 23:45 da kelib tushgan.

Xabarga asosan jalb qilingan 6 ta yongʻin qutqaruv ekipaji soat 23:54 da voqea joyiga yetib borgan va soat 00:30 da yongʻin toʻliq bartaraf etilgan.

Aniqlanishicha, yongʻin natijasida eski qurilish mahsulotlari yonib, zararlangan.

Hozirda tergovga qadar tekshirish ishlari olib borilib, yongʻinning kelib chiqish sababi aniqlanmoqda.