Oʻzgidromet 27–29-sentyabr kunlari uchun ob-havo maʼlumotini eʼlon qildi.

Xabarga koʻra, Fargʻona vodiysi viloyatlarida 27-sentyabrda qisqa muddatli yomgʻir yogʻadi. 29-sentyabr kuni esa kechga tomon Qashqadaryo, Surxondaryo viloyatlarining baʼzi joylarda qisqa muddatli yomgʻir yogʻishi mumkin.

27−29-sentyabr kunlari harorat kechalari +7–+12 daraja, kunduz kunlari 27-sentyabrda +20–+25, 28-sentyabrda +22–+27, 29=-sentyabrda +24–+29 daraja boʻladi.

Shamol sharqdan 7−12 m/s tezlikda esadi. Baʼzi joylarda 13−18 m/s gacha kuchayishi, ayrim joylarda chang-toʻzonlar bilan kuzatilishi mumkin.

Toshkent shahrida yogʻingarchilik kutilmaydi. Harorat kechalari +9–+12, kunduz kunlari +25–+28 daraja boʻladi. Shamol sharqdan 3−8 m/s tezlikda esadi.