Oʻzbekiston Respublikasi Favqulodda vaziyatlar vazirligi mutaxassisliklar boʻyicha oliy maʼlumotli (harbiy kafedralarni tamomlagan) fuqarolar uchun tanlov eʼlon qildi.

Taklif etilayotgan yoʻnalishlar quyidagicha:

▪️ qurilish muhandisligi;

▪️ neft va gaz kimyosi;

▪️ gidrotexnika va geotexnika muhandisligi;

▪️ gidrotexnika qurilishi;

▪️ atrof-muhit muhandisligi;

▪️ axborot texnologiyalarining dasturiy taʼminoti;

▪️ hayot faoliyati xavfsizligi.

Nomzodlarga bir nechta talablar qoʻyilgan.

Jumladan:

▪️ zaxiradagi ofitser “leytenant” unvoniga ega boʻlishi;

▪️ 30 yoshgacha boʻlishi;

▪️ mutaxassisligi boʻyicha kamida bir yil ish stajiga ega boʻlishi (2024-yilda oʻqishni tamomlaganlar bundan mustasno);

▪️ jismoniy tayyorgarligi talabga javob berishi;

▪️ kompyuter savodxonligiga ega boʻlishi.

Tanlov 4 ta bosqichda oʻtkaziladi:

▪️ jismoniy tayyorgarlik boʻyicha sinov topshirish;

▪️ psixoemotsional barqarorligini baholash (test);

▪️ kompyuter savodxonligini baholash;

▪️ yakka tartibda suhbat.

Buning uchun mazkur hujjatlar berilishi lozim:

▪️ Pasport (ID-karta);

▪️ Harbiy guvohnoma;

▪️ Diplom va uning ilovasi;

▪️ Haydovchilik guvohnomasi (mavjud boʻlsa);

▪️ Anketa maʼlumotnoma (rezyume) nomzod oʻzi va yaqin qarindoshlari toʻgʻrisidagi maʼlumotlarni toʻliq koʻrsatishi shart;

▪️ Ish joyidan tavsifnoma (xarakteristika);

▪️ Oʻquv kurslarida oʻqiganligi toʻgʻrisida sertifikati (kurslarda oʻqigan boʻlsa).

Tanlovda ishtirok etish istagini bildirgan fuqarolar hujjatlarni joriy yilning 15-oktyabr kuniga qadar (soat 09.00 dan 17.00gacha) Qoraqalpogʻiston Respublikasi, viloyatlar va Toshkent shahar Favqulodda vaziyatlar boshqarmasi Kadrlar boʻlimiga taqdim qilishi soʻraladi.