“Diydor teatr-studiya”sida “Buzruk haqida afsona” spektakli premyerasi bo‘lib o‘tdi. Spektaklni Gabriel Garsia Markesning “Buzrukning kuzi” romani asosida Aleksandr Patrushev sahnalashtirgan.

“Buzruk haqida afsona” spektaklida bosh qahramon rolini O‘zbekistonda xizmat ko‘rsatgan madaniyat xodimi, aktyor Egamberdi Rahimov ijro etgan.

Har bir qahramon so‘z va harakatida o‘zligini yo‘qotgan, ishonchdan ayro, maqsadsiz, axloqsiz, xudbin insonlarning jamoaviy va alohida-alohida, o‘zigagina tegishli fojialarini namoyish qiladi.

Fantastik, mifologik unsurlardan samarali foydalanilgan spektakl bir qaraganda kolumb yozuvchi romanining ko‘lamini qamrab ololmagandek tuyulishi mumkin. Lekin siansdan keyin har bir tomoshabin chuqur o‘yga tolishi shubhasiz. Spektaklda mafkura orqali insoniyatning tuzoqqa qanday tushishi fojialari ko‘rsatib beriladi.