Prezident yordamchisi Saida Mirziyoyeva Londondagi Britaniya muzeyida oʻtkaziladigan “Silk Roads” (“Ipak yoʻllari”) koʻrgazmasining tantanali ochilish marosimida qatnashdi.

Taʼkidlanishicha, mazkur koʻrgazmada Oʻzbekiston muzeylaridan toʻplangan, boy tarixiy va milliy madaniy merosni aks ettiruvchi nodir, qimmatli osori atiqalar namoyish etiladi.

“Ishonchim komilki, ushbu loyiha Ipak yoʻli tarixi va madaniyatiga qiziquvchilarga ilhom bagʻishlaydi, xalqlar oʻrtasidagi madaniy aloqalarni mustahkamlash, rivojlantirish yoʻlidagi umumiy saʼy-harakatlarimizni ifoda etadi”, deydi Mirziyoyeva.