Joriy oʻquv yilida talabalar safiga qabul qilingan va talabalar turar joyi bilan qamrab olinmagan birinchi bosqich talabalar uchun 24–27-sentyabr kunlari ijara toʻlovining bir qismini qoplab berilishi yuzasidan onlayn ariza yuborish imkoniyati yaratildi.

Maʼlumot uchun, “talabalar turar joyi bilan qamrab olinmagan” deyilganda yotoqxonada turishga ehtiyoji bor, ammo joylar soni cheklanganligi sababli ijarada turishga majbur boʻlgan talabalar tushuniladi.

Shu bois, xabarda oʻz ixtiyoriga koʻra ijarada turuvchilarga kompensatsiya toʻlovlari belgilanmasligi eslatib oʻtiladi.

Xabarga koʻra, arizalar vazirlikning kontrakt.edu.uz platformasi orqali faqat onlayn qabul qilinadi.