Shavkat Mirziyoyev rahbarligida oʻtayotgan yigʻilishda tashqi mehnat migratsiyasi sohasida ochilayotgan ulkan imkoniyatlarni toʻliq ishga solish zarurligi taʼkidlandi.

Shu munosabat bilan Tashqi mehnat migratsiyasi agentligi Hukumat boʻysunuviga oʻtkaziladigan boʻldi. Uning rahbari esa Behzod Musayev boʻladi.

Fuqarolarning xorijdagi yuqori daromadli mehnat bozorlariga kirishi boʻyicha boshlangan ishlarni jadallashtirish ham aynan agentlik zimmasiga yuklatildi.

Shuningdek, endi hokimlar va xorijdagi diplomatik vakolatxonalar xorijda mehnat qilayotgan yurtdoshlarimiz taqdiri uchun agentlik bilan tengma-teng javobgar boʻladi.

Maʼlumot uchun, Musayev bungacha Kambagʻallikni qisqartirish va bandlik vaziri sifatida ishlab kelayotgan edi.