Ikki nafar maktab oʻquvchisi ingliz tili boʻyicha nufuzli sertifikatni olishda eng yuqori ballni toʻpladi

Jumladan, Namangan shahar 1-son ixtisoslashtirilgan maktabining 9-sinf oʻquvchisi Kamila Akramova IELTSdan 8,5 ballik sertifikatga ega chiqdi.

Shuningdek, Andijon shahridagi 43-umumtaʼlim maktabi 10-sinf oʻquvchisi Dilobar Abduvaxobova ham xalqaro IELTS sertifikati uchun oʻtkazilgan imtihonlardan jami 8,5 ballni qoʻlga kiritdi.

Maʼlumot uchun, Oʻzbekistonda xalqaro imtihonlarda yuqori ball olgan yoshlar soni oshmoqda.

Masalan, 2024-yilning yanvar-avgust oylari statistikasiga koʻra, xalqaro imtihonlar uchun jami 15 324 ta ariza topshirilgan boʻlib, bu koʻrsatkich oʻtgan yilning mos davri bilan solishtirilganda, 25 foizga koʻp.

Bunda eng koʻp arizalar IELTS sertifikatini olish uchun boʻlgan – 9449 ta. Shundan 7096 tasi davlat tomonidan moliyalashtirilgan.