Oʻzgidromet 3 kunlik (20-22-sentyabr) ob-havo maʼlumotini eʼlon qildi.

Unga koʻra, bugun va dam olish kunlari Oʻzbekiston hududi boʻyicha iliq, asosan quruq ob-havo saqlanib turadi.

Faqat 21-sentyabr – shanba kuni Qoraqalpogʻiston Respublikasi, Xorazm, Buxoro, Navoiy viloyatlarining baʼzi joylarida biroz qisqa muddatli yomgʻir yogʻishi mumkin.

Respublikaning togʻli hududlarida vaqti-vaqti bilan qisqa muddatli yomgʻir yogʻadi, baland togʻlarda ham yogʻingarchilik kuzatiladi.

Shamol oʻzgaruvchan yoʻnalishda oʻrtacha tezlikkacha esadi. 21-22-sentyabrda esa ayrim hududlarda 12-14 m/s gacha kuchayishi mumkin.

Toshkent shahrida 20-21-sentyabr kunlari asosan kam bulutli ob-havo kuzatiladi. 22 sentyabrda esa havo biroz bulutli boʻladi, yogʻingarchilik kutilmaydi.

Harorat kechalari 14-17, kunduz kunlari 28-31 daraja issiq boʻladi.

Shamol sharqdan 3-8 m/s tezlikda esadi.