Maʼlum boʻlishicha, davlat belgisining haqiqiy egasi oʻzi boʻlmagan joylarda ham jarimalarga tushgan.

Andijon viloyati YPXXʼning xabar berishicha, 2024-yil 17-sentyabr kuni 60 J 714 YA davlat belgisiga ega Malibu avtomobili egasi oʻzi bormagan joylarda ham qoidabuzarliklarga tushayotgani yuzasidan murojaat qilgan.

Farqlovchi belgilar oʻrganib chiqilib, shubha uygʻotgani sabab tezkorlik bilan qidiruv-surishtiruv ishlari boshlangan.

“Koʻrilgan chora-tadbirlar davomida soxta davlat belgisi yasab, undan foydalanib kelayotgan fuqaro avtomobili qoʻlga olinib, jarima maydonchasiga qoʻyilgan. Holat yuzasidan surishtiruv ishlar olib borilmoqda”, deydi YPXX masʼuli.