Iqtisodiyot va moliya vazirligi “Tashabbusli budjet” jarayonining 2024-yilgi 2-mavsumi doirasida gʻolib boʻlgan loyihalar boʻyicha sohalar kesimidagi tahliliy maʼlumotni taqdim qildi.

Jadvalga koʻra, ichki yoʻllarni taʼmirlashga oid loyihalar bu mavsumda eng koʻp gʻolib boʻlgan – 773 ta. Bu jami gʻolib boʻlgan loyihalarning 40 foizini tashkil etadi. Viloyatlar kesimida esa Qashqadaryo asosiy eʼtiborni mazkur masalaga qaratgan. Bu viloyat jami 137 ta loyihani yutgan boʻlsa-da, shundan 106 tasi ichki yoʻllarni taʼmirlashga tegishli.

Ikkinchi eng koʻp yutgan loyihalar umumtaʼlim maktablarini taʼmirlash va rekonstruksiya qilishga taalluqli – 472 ta (24 foiz). Bunda eng koʻp yutgan viloyatlar – Andijon (66 ta) va Fargʻona (65 ta).

Uchinchi oʻrinda esa tibbiyot tashkilotlariga oid loyihalar joy olgan – 318 ta (16 foiz).

Ajablanarlisi, tibbiyot tashkilotlariga oid loyihalarni eng koʻp yutgan hudud Toshkent shahri boʻlgan.

Poytaxt aholi yutgan loyihalarning asosiylari tibbiyot va taʼlimga qaratilgan.