“UzAuto Motors” AJ bosh direktori, shvetsiyalik Bo Inge Anderssonga ish haqining 5% miqdorida jarima tariqasidagi intizomiy jazo chorasi qoʻllanildi. Bu haqdagi Istiqbolli loyihalar milliy agentligi korporativ axborot yagona portalida maʼlum qilindi.

Bunga u AJning tashqi savdo operatsiyalari boʻyicha muddati oʻtgan debitor qarzdorliklarini oʻz vaqtida bartaraf etish choralarini koʻrmagani sabab boʻlgan.

Buning oqibatida xorijlik mutaxassisga nisbatan Oʻzbekiston Respublikasi Mehnat kodeksining 312-moddasiga asosan intizomiy jazo chorasi koʻrilgan.

Mazkur qaror ijrosini taʼminlash choralarini koʻrish AJning Xodimlar bilan ishlash departamenti direktori (I.Abdullayev) va Moliya direktoriga (I.Radjabov) yuklatilgan.