Respublika Maʼnaviyat va maʼrifat markazi tomonidan “Sof til” nomli bot yaratildi.

Bundan koʻzlangan maqsad oʻzbek tilida xatosiz yozishni keng targʻib qilishdir.

Endilikda siz reklamalarda, peshlavhalar, ovqatlanish joylari, savdo shoxobchalari va qayerda boʻlmasin, oʻzbek tilida xato yozilgan soʻzlarni koʻrsangiz, uni suratga oling va softil_botga yuborishingiz mumkin. Suratdagi manzil va oʻzingiz haqingizdagi maʼlumotlarni ham kiritishingiz soʻraladi.

Shunday soʻng mutaxassis va masʼullar siz yuborgan manzildagi xatoliklarni oʻrganadi va bartaraf etadi.

Atrofdagilarga oʻzbek tilida xatosiz yozishda yordam beraylik. Tilimizning buguni va kelajagiga befarq boʻlmang.