O‘zbekiston Yozuvchilar uyushmasi aʼzosi, taniqli shoira Bibisora Turobova 72 yoshida vafot etdi. Bu haqda O‘zbekiston Yozuvchilar uyushmasi xabar berdi.

Bibisora Turobova 1952-yil Samarqand (hozirgi Navoiy) viloyati Xatirchi tumanida tug‘ilgan. 1990-yil O‘zbekiston Yozuvchilar uyushmasiga aʼzo bo‘lgan.

O‘nga yaqin sheʼriy kitoblari nashr etilgan. Ayniqsa, “Kelin salom” va “Men izlagan quvonch” sheʼriy kitoblari katta eʼtibor topdi. “O‘lsam janozamni bulbul o‘qisin” she’ri xalq orasida mashhur.

Oyina.uz jamoasi marhumaning oila a’zolari va yaqinlariga hamdardlik bildiradi.