Bugun, 10-sentyabr kuni Toshkent viloyati Zangiota tumanida joylashgan boʻyoq(kraska) ishlab chiqarish sexi binosida yongʻin sodir boʻldi.

Aniqlik kiritilishicha, Toshkent viloyati Favqulodda vaziyatlar boshqarmasiga soat taxminan 14;15ʼda bu haqida xabar berilgan.

Shundan soʻng yongʻin oʻchirish ekipajlari tezkorlik bilan voqea joyiga yetib borgan.

Yongʻin natijasida tan jarohati olgan va vafot etgan fuqarolar toʻgʻrisida xabar kelib tushmagan.

Vazirlik rahbariyati hamda masʼul tashkilotlarning vakillari hozirda voqea joyida boʻlib turibdi. Ayni vaqtda yongʻinni oʻchirish ishlari bajarilmoqda.