Xalq demokratik partiyasi raisi Ulugʻbek Inoyatovning maʼlum qilishicha, XDP soliq tizimini isloh qilishni oʻz dasturida taklif qilmoqda.

Inoyatovning “Xalqaro press klub”da aytgan soʻzlariga koʻra, partiya boyliklarning konsentratsiya boʻlishiga qarshi.

“Aytaylik, biz mana shu boyliklarning konsentratsiya boʻlishiga qarshimiz. Mana shunday boyliklarga konsentratsiya boʻlgan holatda, mulk egasi, aytaylik, soliqlarni toʻlash masalasida unga soliq stavkasining oshirilgan boʻlishi (lozim) yoki daromad soliqlarini hisoblashda tabaqalashtirilgan soliq tizimiga oʻtish (kerak). (Soliq tizimidagi) hammaga bir xil yondashuv bugungi kunda bizni qoniqtirmaydi. Chunki kam daromad oladigan kam, koʻp daromad oladigan koʻproq soliq toʻlashi kerak” deydi XDP  Markaziy Kengashi raisi.

Taʼkidlanishicha, hozirda partiya soliq tizimi boʻyicha mazkur taklifni bildirmoqda.