Oʻzbekiston, Turkmaniston va Qoraqalpogʻiston Respublikasi xalq artisti Bobomurod Hamdamov 84 yoshida vafot etdi. Bu haqda Madaniyat vazirligi xabar berdi. 

Bobomurod Hamdamov oʻzbek milliy qoʻshiqchilik san'atining rivojlanishida salmoqli hissa qoʻshib, bir nechta oʻlmas asarlar yaratdi va tomoshabinlar olqishiga sazovor boʻldi. Ayniqsa, uning "Sulton Jaloliddin", "Kim ekan", "Devona", "Galdimu", "Qoʻrqdim" kabi qo‘shiqlari keng ommalashib, xalq qalbida munosib oʻrin egallagan.

Oyina.uz jamoasi marhumning oila a'zolari va yaqinlariga hamdardlik bildiradi.