Raqobat qoʻmitasi “Oʻzbekneftgaz”ning 4,8 mlrd soʻmga yaqin savdolarida “Raqobat toʻgʻrisida”gi qonunning 29-moddasi buzilganiga oid alomatlarni aniqlangan va  AJga nisbatan ish qoʻzgʻatilgan.

“Oʻzbekneftgaz” AJ tomonidan maxsus axborot portali orqali oʻtkazilgan savdolarda “Raqobat toʻgʻrisida”gi qonunning 29-moddasi (Savdolarda raqobatni cheklashga qarshi talablar) talablari buzilganlik alomatlari aniqlandi, deb xabar bermoqda Raqobat qoʻmitasi.

Oʻrganishlar natijasiga koʻra, 2 ta, jami 4,8 mlrd soʻmga yaqin eng yaxshi taklifni tanlash savdolarida mazkur alomatlar aniqlangan.

Yuqoridagilarga koʻra, “Raqobat toʻgʻrisida”gi qonun va Vazirlar Mahkamasining 225-sonli qarori bilan tasdiqlangan nizom talablari buzilishi alomatlari bilan “Oʻzbekneftgaz” AJga nisbatan ish qoʻzgʻatildi.

Qoʻzgʻatilgan ish oʻrnatilgan tartibda koʻrib chiqilib, qaror qabul qilingandan soʻng qoʻshimcha axborot beriladi, deyiladi xabarda.