“Oʻzbekfilm” kinokonserni” DUK qoshida “Turon” kaskadyorlik ustaxonasi tashkil qilinmoqda. Bu haqida Kinematografiya agentligi xabar berdi.

Maʼlum boʻlishicha, jamoaga har bir yoʻnalish boʻyicha oʻz ishining ustalari jalb qilingan va kelgusidagi vazifalar uchun strategiya ishlab chiqilmoqda.

“Ishonamizki, “Turon” jamoasi kelgusida milliy kinematografiyamiz rivojiga munosib hissa qoʻshib, jahon kinobozoridagi oʻrnimizni mustahkamlashga koʻmakdosh boʻladi”, deydi kaskadyorlik jamoasi rahbari Nosir Shokirov.