Pensiya toʻlovlarini bank plastik kartasida oluvchi fuqarolarning joriy yil sentyabr oyi uchun pensiya toʻlovlari 1-sentyabr kuniga qadar ularning bank plastik kartalariga oʻtkazib beriladi, deya maʼlum qildi Pensiya jamgʻarmasi .

Xabarga koʻra, joriy yil sentyabr oyi uchun beriladigan pensiyalar miqdori 15 foizga oshirilgan holatda pensionerlarga toʻlanishi taʼminlanadi.

Naqd pul shaklida pensiya oluvchilarga esa toʻlovlar 4-sentyabr kunidan boshlab Xalq banki sayyor kassalari tomonidan grafikka muvofiq amalga oshiriladi.